Dyma oedd fy mhrotest gyntaf, er fy mod wedi mynychu a siarad mewn protestiadau eraill ar-lein. Fe wnaeth mynd i fy mhrotest gyntaf ddod ag atgofion yn ôl o pan roeddwn i’n iau, sut roeddwn i’n teimlo’n tyfu i fyny fel yr unig blentyn Du yn fy nghymuned, faint o’r emosiynau roeddwn i wedi’u claddu
Roedd gweld pobl yn dod ynghyd i sefyll yn erbyn problem gyffredin yn meddwl llawer i mi, ac roedd y brotest a gawsom yn hyfryd, yn gadarnhaol, ac yn emosiynol. Fe wnes i fwynhau bod yn rhan o’r trefnu a bod yna ar lawr gwlad i fod yn dyst i’r mudiad a fyddai’n cael ei gofio mewn hanes, a chael y cyfle i ddweud wrth fy mhlant a fy wyrion am yr achos y gwnaethom frwydro drosto, i’r genhedlaeth iau gael bod yn gyfforddus yn tyfu i fyny yng Nghymru waeth bynnag lliw eu croen, a pheidio profi’r hyn a brofais i yn tyfu i fyny. Felly, rwyf i jyst yma i greu bywyd gwell i bawb, i wneud hynny allaf i, i wneud y byd y lle gwell.
Byddai’n wych gallu dychmygu byd gwrth-hiliol lle mae pobl o wahanol ethnigrwydd yn cael mwy o gyfleoedd, a ddim yn teimlo eu bod yn israddol oherwydd lliw eu croen neu’r wlad y maen nhw’n hanu ohoni.
